Johannes
Kapitel-Vers
01-01
in principio erat Verbum et Verbum erat apud Deum et Deus
erat Verbum
01-02
hoc erat in principio apud Deum
01-03
omnia per ipsum facta sunt et sine ipso factum est nihil
quod factum est
01-06
fuit homo missus a Deo cui nomen erat Iohannes
01-07
hic venit in testimonium ut testimonium perhiberet de lumine
ut omnes crederent per illum
01-09
erat lux vera quae inluminat omnem hominem venientem in
mundum
01-11
in propria venit et sui eum non receperunt
01-12
quotquot autem receperunt eum dedit eis potestatem filios
Dei fieri his qui credunt in nomine eius
01-13
qui non ex sanguinibus neque ex voluntate carnis neque ex
voluntate viri sed ex Deo nati sunt
01-14
et Verbum caro factum est et habitavit in nobis et vidimus
gloriam eius gloriam quasi unigeniti a Patre plenum gratiae et
veritatis
01-15
Iohannes testimonium perhibet de ipso et clamat dicens hic
erat quem dixi vobis qui post me venturus est ante me factus
est quia prior me erat
01-17
quia lex per Mosen data est gratia et veritas per Iesum
Christum facta est
01-19
et hoc est testimonium Iohannis quando miserunt Iudaei ab
Hierosolymis sacerdotes et Levitas ad eum ut interrogarent eum
tu quis es
01-20
et confessus est et non negavit et confessus est quia non
sum ego Christus
01-22
dixerunt ergo ei quis es ut responsum demus his qui
miserunt nos quid dicis de te ipso
01-23
ait ego vox clamantis in deserto dirigite viam Domini sicut
dixit Esaias propheta
01-27
ipse est qui post me venturus est qui ante me factus est
cuius ego non sum dignus ut solvam eius corrigiam calciamenti
01-29
altera die videt Iohannes Iesum venientem ad se et ait ecce
agnus Dei qui tollit peccatum mundi
01-30
hic est de quo dixi post me venit vir qui ante me factus
est quia prior me erat
01-33
et ego nesciebam eum sed qui misit me baptizare in aqua
ille mihi dixit super quem videris Spiritum descendentem et
manentem super eum hic est qui baptizat in Spiritu Sancto
01-40
erat autem Andreas frater Simonis Petri unus ex duobus qui
audierant ab Iohanne et secuti fuerant eum
01-41
invenit hic primum fratrem suum Simonem et dicit ei
invenimus Messiam quod est interpretatum Christus
01-42
et adduxit eum ad Iesum intuitus autem eum Iesus dixit tu
es Simon filius Iohanna tu vocaberis Cephas quod interpretatur
Petrus
01-44
erat autem Philippus a Bethsaida civitate Andreae et Petri
01-47
vidit Iesus Nathanahel venientem ad se et dicit de eo ecce
vere Israhelita in quo dolus non est
01-49
respondit ei Nathanahel et ait rabbi tu es Filius Dei tu es
rex Israhel
02-01
et die tertio nuptiae factae sunt in Cana Galilaeae et erat
mater Iesu ibi
02-02
vocatus est autem ibi et Iesus et discipuli eius ad nuptias
02-03
et deficiente vino dicit mater Iesu ad eum vinum non habent
02-04
et dicit ei Iesus quid mihi et tibi est mulier nondum venit
hora mea
02-07
dicit eis Iesus implete hydrias aqua et impleverunt eas
usque ad summum
02-08
et dicit eis Iesus haurite nunc et ferte architriclino et
tulerunt
02-09
ut autem gustavit architriclinus aquam vinum factam et non
sciebat unde esset ministri autem sciebant qui haurierant aquam
vocat sponsum architriclinus
02-10
et dicit ei omnis homo primum bonum vinum ponit et cum
inebriati fuerint tunc id quod deterius est tu servasti bonum
vinum usque adhuc
02-11
hoc fecit initium signorum Iesus in Cana Galilaeae et
manifestavit gloriam suam et crediderunt in eum discipuli eius
02-16
et his qui columbas vendebant dixit auferte ista hinc
nolite facere domum Patris mei domum negotiationis
02-19
respondit Iesus et dixit eis solvite templum hoc et in
tribus diebus excitabo illud
02-21
ille autem dicebat de templo corporis sui
03-01
erat autem homo ex Pharisaeis Nicodemus nomine princeps
Iudaeorum
03-02
hic venit ad eum nocte et dixit ei rabbi scimus quia a Deo
venisti magister nemo enim potest haec signa facere quae tu
facis nisi fuerit Deus cum eo
03-03
respondit Iesus et dixit ei amen amen dico tibi nisi quis
natus fuerit denuo non potest videre regnum Dei
03-05
respondit Iesus amen amen dico tibi nisi quis renatus fuerit
ex aqua et Spiritu non potest introire in regnum Dei
03-06
quod natum est ex carne caro est et quod natum est ex
Spiritu spiritus est
03-7
non mireris quia dixi tibi oportet vos nasci denuo
03-08
Spiritus ubi vult spirat et vocem eius audis sed non scis
unde veniat et quo vadat sic est omnis qui natus est ex Spiritu
03-10
respondit Iesus et dixit ei tu es magister Israhel et haec
ignoras
03-13
et nemo ascendit in caelum nisi qui descendit de caelo
Filius hominis qui est in caelo
03-16
sic enim dilexit Deus mundum ut Filium suum unigenitum
daret ut omnis qui credit in eum non pereat sed habeat vitam
aeternam
03-17
non enim misit Deus Filium suum in mundum ut iudicet mundum
sed ut salvetur mundus per ipsum
03-20
omnis enim qui mala agit odit lucem et non venit ad lucem
ut non arguantur opera eius
03-21
qui autem facit veritatem venit ad lucem ut manifestentur
eius opera quia in Deo sunt facta
03-30
illum oportet crescere me autem minui
03-31
qui desursum venit supra omnes est qui est de terra de
terra est et de terra loquitur qui de caelo venit supra omnes
est
03-32
et quod vidit et audivit hoc testatur et testimonium eius
nemo accipit
03-33
qui accipit eius testimonium signavit quia Deus verax est
04-13
respondit Iesus et dixit ei omnis qui bibit ex aqua hac
sitiet iterum qui autem biberit ex aqua quam ego dabo ei non
sitiet in aeternum
04-14
sed aqua quam dabo ei fiet in eo fons aquae salientis in
vitam aeternam
04-15
dicit ad eum mulier Domine da mihi hanc aquam ut non sitiam
neque veniam huc haurire
04-19
dicit ei mulier Domine video quia propheta es tu
04-20
patres nostri in monte hoc adoraverunt et vos dicitis quia
Hierosolymis est locus ubi adorare oportet
04-23
sed venit hora et nunc est quando veri adoratores adorabunt
Patrem in spiritu et veritate nam et Pater tales quaerit qui
adorent eum
04-29
venite videte hominem qui dixit mihi omnia quaecumque feci
numquid ipse est Christus
04-34
dicit eis Iesus meus cibus est ut faciam voluntatem eius
qui misit me ut perficiam opus eius
04-46
venit ergo iterum in Cana Galilaeae ubi fecit aquam vinum
et erat quidam regulus cuius filius infirmabatur Capharnaum
04-47
hic cum audisset quia Iesus adveniret a Iudaea in Galilaeam
abiit ad eum et rogabat eum ut descenderet et sanaret filium
eius incipiebat enim mori
04-49
dicit ad eum regulus Domine descende priusquam moriatur
filius meus
04-50
dicit ei Iesus vade filius tuus vivit credidit homo sermoni
quem dixit ei Iesus et ibat
04-53
cognovit ergo pater quia illa hora erat in qua dixit ei
Iesus filius tuus vivit et credidit ipse et domus eius tota
05-04
[]
05-07
respondit ei languidus Domine hominem non habeo ut cum
turbata fuerit aqua mittat me in piscinam dum venio enim ego
alius ante me descendit
05-11
respondit eis qui me fecit sanum ille mihi dixit tolle
grabattum tuum et ambula
05-14
postea invenit eum Iesus in templo et dixit illi ecce sanus
factus es iam noli peccare ne deterius tibi aliquid contingat
05-19
amen amen dico vobis non potest Filius a se facere quicquam
nisi quod viderit Patrem facientem quaecumque enim ille fecerit
haec et Filius similiter facit
05-20
Pater enim diligit Filium et omnia demonstrat ei quae ipse
facit et maiora his demonstrabit ei opera ut vos miremini
05-21
sicut enim Pater suscitat mortuos et vivificat sic et
Filius quos vult vivificat
05-24
amen amen dico vobis quia qui verbum meum audit et credit
ei qui misit me habet vitam aeternam et in iudicium non venit
sed transit a morte in vitam
05-30
non possum ego a me ipso facere quicquam sicut audio iudico
et iudicium meum iustum est quia non quaero voluntatem meam sed
voluntatem eius qui misit me
05-34
ego autem non ab homine testimonium accipio sed haec dico
ut vos salvi sitis
05-35
ille erat lucerna ardens et lucens vos autem voluistis
exultare ad horam in luce eius
05-36
ego autem habeo testimonium maius Iohanne opera enim quae
dedit mihi Pater ut perficiam ea ipsa opera quae ego facio
testimonium perhibent de me quia Pater me misit
05-41
claritatem ab hominibus non accipio
05-42
sed cognovi vos quia dilectionem Dei non habetis in vobis
05-45
nolite putare quia ego accusaturus sim vos apud Patrem est
qui accuset vos Moses in quo vos speratis
06-01
post haec abiit Iesus trans mare Galilaeae quod est
Tiberiadis
06-02
et sequebatur eum multitudo magna quia videbant signa quae
faciebat super his qui infirmabantur
06-03
subiit ergo in montem Iesus et ibi sedebat cum discipulis
suis
06-04
erat autem proximum pascha dies festus Iudaeorum
06-05
cum sublevasset ergo oculos Iesus et vidisset quia multitudo
maxima venit ad eum dicit ad Philippum unde ememus panes ut
manducent hii
06-06
hoc autem dicebat temptans eum ipse enim sciebat quid esset
facturus
06-11
accepit ergo panes Iesus et cum gratias egisset distribuit
discumbentibus similiter et ex piscibus quantum volebant
06-12
ut autem impleti sunt dixit discipulis suis colligite quae
superaverunt fragmenta ne pereant
06-13
collegerunt ergo et impleverunt duodecim cofinos
fragmentorum ex quinque panibus hordiaciis quae superfuerunt
his qui manducaverunt
06-14
illi ergo homines cum vidissent quod fecerat signum
dicebant quia hic est vere propheta qui venturus est in mundum
06-27
operamini non cibum qui perit sed qui permanet in vitam
aeternam quem Filius hominis vobis dabit hunc enim Pater
signavit Deus
06-32
dixit ergo eis Iesus amen amen dico vobis non Moses dedit
vobis panem de caelo sed Pater meus dat vobis panem de caelo
verum
06-33
panis enim Dei est qui descendit de caelo et dat vitam
mundo
06-37
omne quod dat mihi Pater ad me veniet et eum qui venit ad
me non eiciam foras
06-45
est scriptum in prophetis et erunt omnes docibiles Dei
omnis qui audivit a Patre et didicit venit ad me
06-47
amen amen dico vobis qui credit in me habet vitam aeternam
06-51
ego sum panis vivus qui de caelo descendi
06-52
si quis manducaverit ex hoc pane vivet in aeternum et panis
quem ego dabo caro mea est pro mundi vita
06-56
caro enim mea vere est cibus et sanguis meus vere est potus
06-57
qui manducat meam carnem et bibit meum sanguinem in me
manet et ego in illo
06-64
spiritus est qui vivificat caro non prodest quicquam verba
quae ego locutus sum vobis spiritus et vita sunt
06-69
respondit ergo ei Simon Petrus Domine ad quem ibimus verba
vitae aeternae habes
07-06
dicit ergo eis Iesus tempus meum nondum advenit tempus autem
vestrum semper est paratum
07-08
vos ascendite ad diem festum hunc ego non ascendo ad diem
festum istum quia meum tempus nondum impletum est
07-12
et murmur multus de eo erat in turba quidam enim dicebant
quia bonus est alii autem dicebant non sed seducit turbas
07-16
respondit eis Iesus et dixit mea doctrina non est mea sed
eius qui misit me
07-19
nonne Moses dedit vobis legem et nemo ex vobis facit legem
07-20
quid me quaeritis interficere respondit turba et dixit
daemonium habes quis te quaerit interficere
07-21
respondit Iesus et dixit eis unum opus feci et omnes
miramini
07-23
si circumcisionem accipit homo in sabbato ut non solvatur
lex Mosi mihi indignamini quia totum hominem sanum feci in
sabbato
07-25
dicebant ergo quidam ex Hierosolymis nonne hic est quem
quaerunt interficere
07-26
et ecce palam loquitur et nihil ei dicunt numquid vere
cognoverunt principes quia hic est Christus
07-28
clamabat ergo docens in templo Iesus et dicens et me scitis
et unde sim scitis et a me ipso non veni sed est verus qui
misit me quem vos non scitis
07-30
quaerebant ergo eum adprehendere et nemo misit in illum
manus quia nondum venerat hora eius
07-37
in novissimo autem die magno festivitatis stabat Iesus et
clamabat dicens si quis sitit veniat ad me et bibat
07-38
qui credit in me sicut dixit scriptura flumina de ventre
eius fluent aquae vivae
07-39
hoc autem dixit de Spiritu quem accepturi erant credentes
in eum non enim erat Spiritus quia Iesus nondum fuerat
glorificatus
08-06
haec autem dicebant temptantes eum ut possent accusare eum
Iesus autem inclinans se deorsum digito scribebat in terra
08-07
cum autem perseverarent interrogantes eum erexit se et dixit
eis qui sine peccato est vestrum primus in illam lapidem mittat
08-10
erigens autem se Iesus dixit ei mulier ubi sunt nemo te
condemnavit
08-11
quae dixit nemo Domine dixit autem Iesus nec ego te
condemnabo vade et amplius iam noli peccare
08-12
iterum ergo locutus est eis Iesus dicens ego sum lux mundi
qui sequitur me non ambulabit in tenebris sed habebit lucem
vitae
08-18
ego sum qui testimonium perhibeo de me ipso et testimonium
perhibet de me qui misit me Pater
08-25
dicebant ergo ei tu quis es dixit eis Iesus principium quia
et loquor vobis
08-29
et qui me misit mecum est non reliquit me solum quia ego
quae placita sunt ei facio semper
08-31
dicebat ergo Iesus ad eos qui crediderunt ei Iudaeos si vos
manseritis in sermone meo vere discipuli mei eritis
08-32
et cognoscetis veritatem et veritas liberabit vos
08-40
nunc autem quaeritis me interficere hominem qui veritatem
vobis locutus sum quam audivi a Deo hoc Abraham non fecit
08-42
dixit ergo eis Iesus si Deus pater vester esset diligeretis
utique me ego enim ex Deo processi et veni neque enim a me ipso
veni sed ille me misit
08-46
quis ex vobis arguit me de peccato si veritatem dico quare
vos non creditis mihi
08-47
qui est ex Deo verba Dei audit propterea vos non auditis
quia ex Deo non estis
08-48
responderunt igitur Iudaei et dixerunt ei nonne bene
dicimus nos quia Samaritanus es tu et daemonium habes
08-49
respondit Iesus ego daemonium non habeo sed honorifico
Patrem meum et vos inhonoratis me
08-50
ego autem non quaero gloriam meam est qui quaerit et
iudicat
08-51
amen amen dico vobis si quis sermonem meum servaverit
mortem non videbit in aeternum
08-56
Abraham pater vester exultavit ut videret diem meum et
vidit et gavisus est
08-57
dixerunt ergo Iudaei ad eum quinquaginta annos nondum habes
et Abraham vidisti
08-58
dixit eis Iesus amen amen dico vobis antequam Abraham
fieret ego sum
08-59
tulerunt ergo lapides ut iacerent in eum Iesus autem
abscondit se et exivit de templo
09-01
et praeteriens vidit hominem caecum a nativitate
09-02
et interrogaverunt eum discipuli sui rabbi quis peccavit hic
aut parentes eius ut caecus nasceretur
09-03
respondit Iesus neque hic peccavit neque parentes eius sed
ut manifestetur opera Dei in illo
09-05
quamdiu in mundo sum lux sum mundi
09-06
haec cum dixisset expuit in terram et fecit lutum ex sputo
et linuit lutum super oculos eius
09-11
respondit ille homo qui dicitur Iesus lutum fecit et unxit
oculos meos et dixit mihi vade ad natatoriam Siloae et lava et
abii et lavi et vidi
09-15
iterum ergo interrogabant eum Pharisaei quomodo vidisset
ille autem dixit eis lutum posuit mihi super oculos et lavi et
video
09-26
dixerunt ergo illi quid fecit tibi quomodo aperuit tibi
oculos
09-27
respondit eis dixi vobis iam et audistis quid iterum vultis
audire numquid et vos vultis discipuli eius fieri
09-32
a saeculo non est auditum quia aperuit quis oculos caeci
nati
09-33
nisi esset hic a Deo non poterat facere quicquam
09-35
audivit Iesus quia eiecerunt eum foras et cum invenisset
eum dixit ei tu credis in Filium Dei
09-38
at ille ait credo Domine et procidens adoravit eum
10-01
amen amen dico vobis qui non intrat per ostium in ovile
ovium sed ascendit aliunde ille fur est et latro
10-02
qui autem intrat per ostium pastor est ovium
10-03
huic ostiarius aperit et oves vocem eius audiunt et
proprias oves vocat nominatim et educit eas
10-07
dixit ergo eis iterum Iesus amen amen dico vobis quia ego
sum ostium ovium
10-08
omnes quotquot venerunt fures sunt et latrones sed non
audierunt eos oves
10-09
ego sum ostium per me si quis introierit salvabitur et
ingredietur et egredietur et pascua inveniet
10-11
ego sum pastor bonus bonus pastor animam suam dat pro
ovibus
10-12
mercennarius et qui non est pastor cuius non sunt oves
propriae videt lupum venientem et dimittit oves et fugit et
lupus rapit et dispergit oves
10-14
ego sum pastor bonus et cognosco meas et cognoscunt me
meae
10-15
sicut novit me Pater et ego agnosco Patrem et animam meam
pono pro ovibus
10-16
et alias oves habeo quae non sunt ex hoc ovili et illas
oportet me adducere et vocem meam audient et fiet unum ovile
unus pastor
10-18
nemo tollit eam a me sed ego pono eam a me ipso potestatem
habeo ponendi eam et potestatem habeo iterum sumendi eam hoc
mandatum accepi a Patre meo
10-22
facta sunt autem encenia in Hierosolymis et hiemps erat
10-23
et ambulabat Iesus in templo in porticu Salomonis
10-24
circumdederunt ergo eum Iudaei et dicebant ei quousque
animam nostram tollis si tu es Christus dic nobis palam
10-27
oves meae vocem meam audiunt et ego cognosco eas et
sequuntur me
10-32
respondit eis Iesus multa opera bona ostendi vobis ex
Patre meo propter quod eorum opus me lapidatis
10-38
si autem facio et si mihi non vultis credere operibus
credite ut cognoscatis et credatis quia in me est Pater et ego
in Patre
11-01
erat autem quidam languens Lazarus a Bethania de castello
Mariae et Marthae sororis eius
11-02
Maria autem erat quae unxit Dominum unguento et extersit
pedes eius capillis suis cuius frater Lazarus infirmabatur
11-05
diligebat autem Iesus Martham et sororem eius Mariam et
Lazarum
11-11
haec ait et post hoc dicit eis Lazarus amicus noster
dormit sed vado ut a somno exsuscitem eum
11-13
dixerat autem Iesus de morte eius illi autem putaverunt
quia de dormitione somni diceret
11-21
dixit ergo Martha ad Iesum Domine si fuisses hic frater
meus non fuisset mortuus
11-25
dixit ei Iesus ego sum resurrectio et vita qui credit in
me et si mortuus fuerit vivet
11-26
et omnis qui vivit et credit in me non morietur in
aeternum credis hoc
11-29
illa ut audivit surgit cito et venit ad eum
11-31
Iudaei igitur qui erant cum ea in domo et consolabantur
eam cum vidissent Mariam quia cito surrexit et exiit secuti
sunt eam dicentes quia vadit ad monumentum ut ploret ibi
11-32
Maria ergo cum venisset ubi erat Iesus videns eum cecidit
ad pedes eius et dixit ei Domine si fuisses hic non esset
mortuus frater meus
11-33
Iesus ergo ut vidit eam plorantem et Iudaeos qui venerant
cum ea plorantes fremuit spiritu et turbavit se ipsum
11-35
et lacrimatus est Iesus
11-39
ait Iesus tollite lapidem dicit ei Martha soror eius qui
mortuus fuerat Domine iam fetet quadriduanus enim est
11-40
dicit ei Iesus nonne dixi tibi quoniam si credideris
videbis gloriam Dei
11-43
haec cum dixisset voce magna clamavit Lazare veni foras
11-44
et statim prodiit qui fuerat mortuus ligatus pedes et
manus institis et facies illius sudario erat ligata dicit Iesus
eis solvite eum et sinite abire
11-47
collegerunt ergo pontifices et Pharisaei concilium et
dicebant quid facimus quia hic homo multa signa facit
11-48
si dimittimus eum sic omnes credent in eum et venient
Romani et tollent nostrum et locum et gentem
11-49
unus autem ex ipsis Caiaphas cum esset pontifex anni
illius dixit eis vos nescitis quicquam
11-50
nec cogitatis quia expedit nobis ut unus moriatur homo pro
populo et non tota gens pereat
11-53
ab illo ergo die cogitaverunt ut interficerent eum
12-01
Iesus ergo ante sex dies paschae venit Bethaniam ubi fuerat
Lazarus mortuus quem suscitavit Iesus
12-03
Maria ergo accepit libram unguenti nardi pistici pretiosi
unxit pedes Iesu et extersit capillis suis pedes eius et domus
impleta est ex odore unguenti
12-04
dicit ergo unus ex discipulis eius Iudas Scariotis qui erat
eum traditurus
12-12
in crastinum autem turba multa quae venerat ad diem festum
cum audissent quia venit Iesus Hierosolyma
12-13
acceperunt ramos palmarum et processerunt obviam ei et
clamabant osanna benedictus qui venit in nomine Domini rex
Israhel
12-24
amen amen dico vobis nisi granum frumenti cadens in terram
mortuum fuerit
12-25
ipsum solum manet si autem mortuum fuerit multum fructum
adfert qui amat animam suam perdet eam et qui odit animam suam
in hoc mundo in vitam aeternam custodit eam
12-26
si quis mihi ministrat me sequatur et ubi sum ego illic et
minister meus erit si quis mihi ministraverit honorificabit eum
Pater meus
12-36
dum lucem habetis credite in lucem ut filii lucis sitis
haec locutus est Iesus et abiit et abscondit se ab eis
13-01
ante diem autem festum paschae sciens Iesus quia venit eius
hora ut transeat ex hoc mundo ad Patrem cum dilexisset suos qui
erant in mundo in finem dilexit eos
13-02
et cena facta cum diabolus iam misisset in corde ut
traderet eum Iudas Simonis Scariotis
13-04
surgit a cena et ponit vestimenta sua et cum accepisset
linteum praecinxit se
13-05
deinde mittit aquam in pelvem et coepit lavare pedes
discipulorum et extergere linteo quo erat praecinctus
13-06
venit ergo ad Simonem Petrum et dicit ei Petrus Domine tu
mihi lavas pedes
13-07
respondit Iesus et dicit ei quod ego facio tu nescis modo
scies autem postea
13-08
dicit ei Petrus non lavabis mihi pedes in aeternum
respondit Iesus ei si non lavero te non habes partem mecum
13-12
postquam ergo lavit pedes eorum et accepit vestimenta sua
cum recubuisset iterum dixit eis scitis quid fecerim vobis
13-13
vos vocatis me magister et Domine et bene dicitis sum
etenim
13-14
si ergo ego lavi vestros pedes Dominus et magister et vos
debetis alter alterius lavare pedes
13-15
exemplum enim dedi vobis ut quemadmodum ego feci vobis ita
et vos faciatis
13-19
amodo dico vobis priusquam fiat ut credatis cum factum
fuerit quia ego sum
13-23
erat ergo recumbens unus ex discipulis eius in sinu Iesu
quem diligebat Iesus
13-25
itaque cum recubuisset ille supra pectus Iesu dicit ei
Domine quis est
13-31
cum ergo exisset dicit Iesus nunc clarificatus est Filius
hominis et Deus clarificatus est in eo
13-34
mandatum novum do vobis ut diligatis invicem sicut dilexi
vos ut et vos diligatis invicem
13-35
in hoc cognoscent omnes quia mei discipuli estis si
dilectionem habueritis ad invicem
13-37
dicit ei Petrus quare non possum sequi te modo animam meam
pro te ponam
14-01
non turbetur cor vestrum creditis in Deum et in me credite
14-02
in domo Patris mei mansiones multae sunt si quo minus
dixissem vobis quia vado parare vobis locum
14-03
et si abiero et praeparavero vobis locum iterum venio et
accipiam vos ad me ipsum ut ubi sum ego et vos sitis
14-06
dicit ei Iesus ego sum via et veritas et vita nemo venit ad
Patrem nisi per me
14-07
si cognovissetis me et Patrem meum utique cognovissetis et
amodo cognoscitis eum et vidistis eum
14-08
dicit ei Philippus Domine ostende nobis Patrem et sufficit
nobis
14-09
dicit ei Iesus tanto tempore vobiscum sum et non
cognovistis me Philippe qui vidit me vidit et Patrem quomodo tu
dicis ostende nobis Patrem
14-10
non credis quia ego in Patre et Pater in me est verba quae
ego loquor vobis a me ipso non loquor Pater autem in me manens
ipse facit opera
14-13
et quodcumque petieritis in nomine meo hoc faciam ut
glorificetur Pater in Filio
14-15
si diligitis me mandata mea servate
14-16
et ego rogabo Patrem et alium paracletum dabit vobis ut
maneat vobiscum in aeternum
14-17
Spiritum veritatis quem mundus non potest accipere quia
non videt eum nec scit eum vos autem cognoscitis eum quia apud
vos manebit et in vobis erit
14-18
non relinquam vos orfanos veniam ad vos
14-19
adhuc modicum et mundus me iam non videt vos autem videtis
me quia ego vivo et vos vivetis
14-21
qui habet mandata mea et servat ea ille est qui diligit me
qui autem diligit me diligetur a Patre meo et ego diligam eum
et manifestabo ei me ipsum
14-23
respondit Iesus et dixit ei si quis diligit me sermonem
meum servabit et Pater meus diliget eum et ad eum veniemus et
mansiones apud eum faciemus
14-25
haec locutus sum vobis apud vos manens
14-26
paracletus autem Spiritus Sanctus quem mittet Pater in
nomine meo ille vos docebit omnia et suggeret vobis omnia
quaecumque dixero vobis
14-27
pacem relinquo vobis pacem meam do vobis non quomodo
mundus dat ego do vobis non turbetur cor vestrum neque formidet
14-28
audistis quia ego dixi vobis vado et venio ad vos si
diligeretis me gauderetis utique quia vado ad Patrem quia Pater
maior me est
14-30
iam non multa loquar vobiscum venit enim princeps mundi
huius et in me non habet quicquam
14-31
sed ut cognoscat mundus quia diligo Patrem et sicut
mandatum dedit mihi Pater sic facio surgite eamus hinc
15-01
ego sum vitis vera et Pater meus agricola est
15-05
ego sum vitis vos palmites qui manet in me et ego in eo hic
fert fructum multum quia sine me nihil potestis facere
15-07
si manseritis in me et verba mea in vobis manserint
quodcumque volueritis petetis et fiet vobis
15-09
sicut dilexit me Pater et ego dilexi vos manete in
dilectione mea
15-11
haec locutus sum vobis ut gaudium meum in vobis sit et
gaudium vestrum impleatur
15-12
hoc est praeceptum meum ut diligatis invicem sicut dilexi
vos
15-13
maiorem hac dilectionem nemo habet ut animam suam quis
ponat pro amicis suis
15-14
vos amici mei estis si feceritis quae ego praecipio vobis
15-15
iam non dico vos servos quia servus nescit quid facit
dominus eius vos autem dixi amicos quia omnia quaecumque audivi
a Patre meo nota feci vobis
15-16
non vos me elegistis sed ego elegi vos et posui vos ut
eatis et fructum adferatis et fructus vester maneat ut
quodcumque petieritis Patrem in nomine meo det vobis
15-18
si mundus vos odit scitote quia me priorem vobis odio
habuit
15-19
si de mundo fuissetis mundus quod suum erat diligeret quia
vero de mundo non estis sed ego elegi vos de mundo propterea
odit vos mundus
15-26
cum autem venerit paracletus quem ego mittam vobis a Patre
Spiritum veritatis qui a Patre procedit ille testimonium
perhibebit de me
15-27
et vos testimonium perhibetis quia ab initio mecum estis
16-02
absque synagogis facient vos sed venit hora ut omnis qui
interficit vos arbitretur obsequium se praestare Deo
16-04
sed haec locutus sum vobis ut cum venerit hora eorum
reminiscamini quia ego dixi vobis
16-05
haec autem vobis ab initio non dixi quia vobiscum eram at
nunc vado ad eum qui me misit et nemo ex vobis interrogat me
quo vadis
16-06
sed quia haec locutus sum vobis tristitia implevit cor
vestrum
16-07
sed ego veritatem dico vobis expedit vobis ut ego vadam si
enim non abiero paracletus non veniet ad vos si autem abiero
mittam eum ad vos
16-08
et cum venerit ille arguet mundum de peccato et de iustitia
et de iudicio
16-12
adhuc multa habeo vobis dicere sed non potestis portare
modo
16-13
cum autem venerit ille Spiritus veritatis docebit vos in
omnem veritatem non enim loquetur a semet ipso sed quaecumque
audiet loquetur et quae ventura sunt adnuntiabit vobis
16-14
ille me clarificabit quia de meo accipiet et adnuntiabit
vobis
16-15
omnia quaecumque habet Pater mea sunt propterea dixi quia
de meo accipit et adnuntiabit vobis
16-16
modicum et iam non videbitis me et iterum modicum et
videbitis me quia vado ad Patrem
16-17
dixerunt ergo ex discipulis eius ad invicem quid est hoc
quod dicit nobis modicum et non videbitis me et iterum modicum
et videbitis me et quia vado ad Patrem
16-18
dicebant ergo quid est hoc quod dicit modicum nescimus
quid loquitur
16-19
cognovit autem Iesus quia volebant eum interrogare et
dixit eis de hoc quaeritis inter vos quia dixi modicum et non
videbitis me et iterum modicum et videbitis me
16-20
amen amen dico vobis quia plorabitis et flebitis vos
mundus autem gaudebit vos autem contristabimini sed tristitia
vestra vertetur in gaudium
16-21
mulier cum parit tristitiam habet quia venit hora eius cum
autem pepererit puerum iam non meminit pressurae propter
gaudium quia natus est homo in mundum
16-22
et vos igitur nunc quidem tristitiam habetis iterum autem
videbo vos et gaudebit cor vestrum et gaudium vestrum nemo
tollit a vobis
16-23
et in illo die me non rogabitis quicquam amen amen dico
vobis si quid petieritis Patrem in nomine meo dabit vobis
16-24
usque modo non petistis quicquam in nomine meo petite et
accipietis ut gaudium vestrum sit plenum
16-25
haec in proverbiis locutus sum vobis venit hora cum iam
non in proverbiis loquar vobis sed palam de Patre adnuntiabo
vobis
16-26
illo die in nomine meo petetis et non dico vobis quia ego
rogabo Patrem de vobis
16-27
ipse enim Pater amat vos quia vos me amastis et
credidistis quia ego a Deo exivi
16-28
exivi a Patre et veni in mundum iterum relinquo mundum et
vado ad Patrem
16-29
dicunt ei discipuli eius ecce nunc palam loqueris et
proverbium nullum dicis
16-30
nunc scimus quia scis omnia et non opus est tibi ut quis
te interroget in hoc credimus quia a Deo existi
17-01
haec locutus est Iesus et sublevatis oculis in caelum dixit
Pater venit hora clarifica Filium tuum ut Filius tuus
clarificet te
17-02
sicut dedisti ei potestatem omnis carnis ut omne quod
dedisti ei det eis vitam aeternam
17-03
haec est autem vita aeterna ut cognoscant te solum verum
Deum et quem misisti Iesum Christum
17-04
ego te clarificavi super terram opus consummavi quod
dedisti mihi ut faciam
17-05
et nunc clarifica me tu Pater apud temet ipsum claritatem
quam habui priusquam mundus esset apud te
17-06
manifestavi nomen tuum hominibus quos dedisti mihi de mundo
tui erant et mihi eos dedisti et sermonem tuum servaverunt
17-09
ego pro eis rogo non pro mundo rogo sed pro his quos
dedisti mihi quia tui sunt
17-11
et iam non sum in mundo et hii in mundo sunt et ego ad te
venio Pater sancte serva eos in nomine tuo quos dedisti mihi ut
sint unum sicut et nos
17-12
cum essem cum eis ego servabam eos in nomine tuo quos
dedisti mihi custodivi et nemo ex his perivit nisi filius
perditionis ut scriptura impleatur
17-13
nunc autem ad te venio et haec loquor in mundo ut habeant
gaudium meum impletum in semet ipsis
17-15
non rogo ut tollas eos de mundo sed ut serves eos ex malo
17-20
non pro his autem rogo tantum sed et pro eis qui credituri
sunt per verbum eorum in me
17-21
ut omnes unum sint sicut tu Pater in me et ego in te ut et
ipsi in nobis unum sint ut mundus credat quia tu me misisti
17-25
Pater iuste et mundus te non cognovit ego autem te cognovi
et hii cognoverunt quia tu me misisti
17-26
et notum feci eis nomen tuum et notum faciam ut dilectio
qua dilexisti me in ipsis sit et ego in ipsis
18-23
respondit ei Iesus si male locutus sum testimonium perhibe
de malo si autem bene quid me caedis
18-33
introivit ergo iterum in praetorium Pilatus et vocavit
Iesum et dixit ei tu es rex Iudaeorum
18-37
dixit itaque ei Pilatus ergo rex es tu respondit Iesus tu
dicis quia rex sum ego ego in hoc natus sum et ad hoc veni in
mundum ut testimonium perhibeam veritati omnis qui est ex
veritate audit meam vocem
18-38
dicit ei Pilatus quid est veritas et cum hoc dixisset
iterum exivit ad Iudaeos et dicit eis ego nullam invenio in eo
causam
19-05
ut cognoscatis quia in eo nullam causam invenio et
purpureum vestimentum et dicit eis ecce homo
19-06
cum ergo vidissent eum pontifices et ministri clamabant
dicentes crucifige crucifige dicit eis Pilatus accipite eum vos
et crucifigite ego enim non invenio in eo causam
19-07
responderunt ei Iudaei nos legem habemus et secundum legem
debet mori quia Filium Dei se fecit
19-11
respondit Iesus non haberes potestatem adversum me ullam
nisi tibi esset datum desuper propterea qui tradidit me tibi
maius peccatum habet
19-15
illi autem clamabant tolle tolle crucifige eum dixit eis
Pilatus regem vestrum crucifigam responderunt pontifices non
habemus regem nisi Caesarem
19-19
scripsit autem et titulum Pilatus et posuit super crucem
erat autem scriptum Iesus Nazarenus rex Iudaeorum
19-25
stabant autem iuxta crucem Iesu mater eius et soror matris
eius Maria Cleopae et Maria Magdalene
19-26
cum vidisset ergo Iesus matrem et discipulum stantem quem
diligebat dicit matri suae mulier ecce filius tuus
19-27
deinde dicit discipulo ecce mater tua et ex illa hora
accepit eam discipulus in sua
19-30
cum ergo accepisset Iesus acetum dixit consummatum est et
inclinato capite tradidit spiritum
19-34
sed unus militum lancea latus eius aperuit et continuo
exivit sanguis et aqua
19-37
et iterum alia scriptura dicit videbunt in quem
transfixerunt
19-38
post haec autem rogavit Pilatum Ioseph ab Arimathia eo
quod esset discipulus Iesu occultus autem propter metum
Iudaeorum ut tolleret corpus Iesu et permisit Pilatus venit
ergo et tulit corpus Iesu
19-42
ibi ergo propter parasceven Iudaeorum quia iuxta erat
monumentum posuerunt Iesum
20-01
una autem sabbati Maria Magdalene venit mane cum adhuc
tenebrae essent ad monumentum et videt lapidem sublatum a
monumento
20-02
cucurrit ergo et venit ad Simonem Petrum et ad alium
discipulum quem amabat Iesus et dicit eis tulerunt Dominum de
monumento et nescimus ubi posuerunt eum
20-04
currebant autem duo simul et ille alius discipulus
praecucurrit citius Petro et venit primus ad monumentum
20-07
et sudarium quod fuerat super caput eius non cum
linteaminibus positum sed separatim involutum in unum locum
20-11
Maria autem stabat ad monumentum foris plorans dum ergo
fleret inclinavit se et prospexit in monumentum
20-12
et vidit duos angelos in albis sedentes unum ad caput et
unum ad pedes ubi positum fuerat corpus Iesu
20-13
dicunt ei illi mulier quid ploras dicit eis quia tulerunt
Dominum meum et nescio ubi posuerunt eum
20-14
haec cum dixisset conversa est retrorsum et videt Iesum
stantem et non sciebat quia Iesus est
20-15
dicit ei Iesus mulier quid ploras quem quaeris illa
existimans quia hortulanus esset dicit ei domine si tu
sustulisti eum dicito mihi ubi posuisti eum et ego eum tollam
20-16
dicit ei Iesus Maria conversa illa dicit ei rabboni quod
dicitur magister
20-17
dicit ei Iesus noli me tangere nondum enim ascendi ad
Patrem meum vade autem ad fratres meos et dic eis ascendo ad
Patrem meum et Patrem vestrum et Deum meum et Deum vestrum
20-18
venit Maria Magdalene adnuntians discipulis quia vidi
Dominum et haec dixit mihi
20-19
cum esset ergo sero die illo una sabbatorum et fores
essent clausae ubi erant discipuli propter metum Iudaeorum
venit Iesus et stetit in medio et dicit eis pax vobis
20-20
et hoc cum dixisset ostendit eis manus et latus gavisi
sunt ergo discipuli viso Domino
20-21
dixit ergo eis iterum pax vobis sicut misit me Pater et
ego mitto vos
20-22
hoc cum dixisset insuflavit et dicit eis accipite Spiritum
Sanctum
20-24
Thomas autem unus ex duodecim qui dicitur Didymus non erat
cum eis quando venit Iesus
20-25
dixerunt ergo ei alii discipuli vidimus Dominum ille autem
dixit eis nisi videro in manibus eius figuram clavorum et
mittam digitum meum in locum clavorum et mittam manum meam in
latus eius non credam
20-26
et post dies octo iterum erant discipuli eius intus et
Thomas cum eis venit Iesus ianuis clausis et stetit in medio et
dixit pax vobis
20-27
deinde dicit Thomae infer digitum tuum huc et vide manus
meas et adfer manum tuam et mitte in latus meum et noli esse
incredulus sed fidelis
20-28
respondit Thomas et dixit ei Dominus meus et Deus meus
20-29
dicit ei Iesus quia vidisti me credidisti beati qui non
viderunt et crediderunt
20-30
multa quidem et alia signa fecit Iesus in conspectu
discipulorum suorum quae non sunt scripta in libro hoc
20-31
haec autem scripta sunt ut credatis quia Iesus est
Christus Filius Dei et ut credentes vitam habeatis in nomine
eius
21-01
postea manifestavit se iterum Iesus ad mare Tiberiadis
manifestavit autem sic
21-04
mane autem iam facto stetit Iesus in litore non tamen
cognoverunt discipuli quia Iesus est
21-06
dixit eis mittite in dexteram navigii rete et invenietis
miserunt ergo et iam non valebant illud trahere a multitudine
piscium
21-07
dicit ergo discipulus ille quem diligebat Iesus Petro
Dominus est Simon Petrus cum audisset quia Dominus est tunicam
succinxit se erat enim nudus et misit se in mare
21-10
dicit eis Iesus adferte de piscibus quos prendidistis nunc
21-11
ascendit Simon Petrus et traxit rete in terram plenum
magnis piscibus centum quinquaginta tribus et cum tanti essent
non est scissum rete
21-12
dicit eis Iesus venite prandete et nemo audebat discentium
interrogare eum tu quis es scientes quia Dominus esset
21-13
et venit Iesus et accepit panem et dat eis et piscem
similiter
21-14
hoc iam tertio manifestatus est Iesus discipulis cum
surrexisset a mortuis
21-15
cum ergo prandissent dicit Simoni Petro Iesus Simon
Iohannis diligis me plus his dicit ei etiam Domine tu scis quia
amo te dicit ei pasce agnos meos
21-16
dicit ei iterum Simon Iohannis diligis me ait illi etiam
Domine tu scis quia amo te dicit ei pasce agnos meos
21-17
dicit ei tertio Simon Iohannis amas me contristatus est
Petrus quia dixit ei tertio amas me et dicit ei Domine tu omnia
scis tu scis quia amo te dicit ei pasce oves meas
21-18
amen amen dico tibi cum esses iunior cingebas te et
ambulabas ubi volebas cum autem senueris extendes manus tuas et
alius te cinget et ducet quo non vis
21-19
hoc autem dixit significans qua morte clarificaturus esset
Deum et hoc cum dixisset dicit ei sequere me
21-20
conversus Petrus vidit illum discipulum quem diligebat
Iesus sequentem qui et recubuit in cena super pectus eius et
dixit Domine quis est qui tradit te
21-22
dicit ei Iesus si sic eum volo manere donec veniam quid ad
te tu me sequere
21-23
exivit ergo sermo iste in fratres quia discipulus ille non
moritur et non dixit ei Iesus non moritur sed si sic eum volo
manere donec venio quid ad te
21-24
hic est discipulus qui testimonium perhibet de his et
scripsit haec et scimus quia verum est testimonium eius
