- Agios o Theos

Agios o Theos.Sanctus Deus.
Agios ischyros. Sanctus fortis.
Agios athanatos, eleison imas.
Sanctus immortalis,
miserere nobis.

S 1

Popule meus, quid feci tibi ?
aut in quo contristavi te ?
responde mihi.
Quia eduxi te de terra Aegypti :
parasti Crucem Salvatori tuo.

S 2

Quia eduxi te per desertum quadraginta annis:
et manna cibavi te,
et introduxi te in terram satis bonam :
parasti Crucem Salvatori tuo.

S 3

Quid ultra debui facere tibi, et non feci ?
Ego quidem plantavi te vineam meam
fructu decoram (speciosissimam) :
et tu facta es mihi satis(nimis) amara :
aceto namque siti(m) mea(m) potasti,
et lancea perforasti latus Salvatoris(i) tui(o).

S 4

Ego propter te flagellavi Aegyptum
cum primogenitis suis :
et tu me flagellatum tradidisti.

S 5

Ego te eduxi de Aegypto,
demerso Pharaone in Mare Rubrum :
et tu me tradidisti principibus sacerdotum.

S 6

Ego ante te aperui mare :
et tu aperuisti lancea latus meum.

S 7

Ego ante te praeivi
in columna nubis :
et tu me duxisti ad praetorium Pilati.

S 8

Ego te pavi manna per desertum :
et tu me caecidisti alapis et flagellis.

S 9

Ego te potavi aqua salutis de petra :
et tu me potasti felle et aceto.

S 10

Ego propter te Chananaeorum reges percussi :
et tu percussisti arundine caput meum.

S 11

Ego dedi tibi sceptrum regale :
et tu dedisti capiti meo spineam coronam.

S 12

Ego te exaltavi magna virtute ;
et tu me suspendisti in patibulo Crucis.