- Vexilla regis...qua vita

Vexilla regis prodeunt,
fulget crucis mysterium,
qua vita mortem pertulit,
et morte vitam protulit.

S 2

Quæ vulnerata lanceæ,
mucrone diro, criminum
ut nos lavaret sordibus
manavit unda et sanguine.

S 3

Impleta sunt quæ concinit
David fideli carmine
dicendo nationibus :
regnavit a ligno Deus.

S 4

Arbor docora et fulgida,
ornata regis purpura,
electa digno stipite
tam sancta membra tangere !

S 5

Beata, cuius brachiis
pretium pependit saeculi;
statera facta corporis
tulitque proedam tartaris.

S 6

O crux, ave, spes unica !
hoc passionis tempore
piis adauge gratiam
reisque dele crimina.