- Haec hora quae resplenduit

Haec hora, quae resplenduit
crucisque solvit nubila,
mundum tenebris exuens,
reddens serena lumina.

S 2

Haec hora, qua resuscitans
Iesus sepulcris corpora,
prodire mortis libera
iussit refuso spiritu.

S 3

Novata saecla credimus
mortis solutis legibus,
vitae beatae munera
cursum perennem currere.

S 4

Iesu, tibi sit gloria,
qui morte victa praenites,
cum Patre et almo Spiritu,
in sempiterna saecula.