- Hymnus - Celsae salutis gaudia

Celsae salutis gaudia
mundus fidelis iubilet:
Iesus, redemptor omnium,
mortis peremit principem.

S 2

Palmae et olivae surculos
coetus viando deferens,
"Hosanna David filio"
claris frequentat vocibus.

S 3

Nos ergo summo principi
curramus omnes obviam ;
melos canentes gloriae,
palmas geramus gaudii.

S 4

Cursusque nostros lubricos
donis beatis sublevet,
grates ut omni tempore
ipsis feramus debitas.

S 5

Deo Patri sit gloria
eiusque soli Filio
cum Spiritu Paraclito,
in sempiterna saecula.