- Hymnus - Ad cenam Agni providi

Ad cenam Agni providi,
stolis salutis candidi,
post transitum maris Rubri
Christo cananmus principi.

S 2

Cuius corpus sanctissimum
in ara crucis torridum,
sed et cruorem roseum
gustando, Deo vivimus.

S 3

Protecti paschae vespero
a devastante angelo,
de Pharaonis aspero
sumus erepti imperio.

S 4

Iam pascha nostrum Christus est,
agnus occisus innocens ;
sinceritatis azyma
qui carnem suam obtulit.

S 5

O vera digna hostia,
per quam franguntur tartara,
captiva plebs redimitur,
redduntur vitae praemia!

S 6

Consurgit Christus tumulo,
victor redit de barathro,
tyrannum trudens vinculo
et paradisum reserans.

S 7

Esto perenne mentibus
paschale, Iesu, gaudium
et nos renatos gratiae
tuis triumphis aggrega.

S 8

Iesu, tibi sit gloria,
qui morte victa praenites,
cum Patre et almo Spiritu,
in sempiterna saecula.