- Hymnus - Iesu quadragenariae

Iesu, quadragenariae
dicator abstinentiae,
qui ob salutem mentium
praeceperas ieiunium.

S 2

Adesto nunc Ecclesiae,
adesto paenitentiae,
qua supplicamus cernui,
peccata nostra dilui.

S 3

Tu retroacta crimina
tua remitte gratia
et a futuris adhibe
custodiam mitissime.

S 4

Ut, expiati annuis
compunctionis actibus,
tendamus ad paschalia
digne colenda gaudia.

S 5

Te rerum universitas,
clemens, adoret, Trinitas,
et nos novi per veniam
novum canamus canticum.