- Hymnus - Verbum salutis omnium

Verbum salutis omnium,
Patris ab ore prodiens,
virgo beata suscipe
casto, Maria, viscere.

S 2

Te nunc illustrat caelitus
umbra fecundi Spiritus,
gestes ut Christum Dominum,
aequalem Patri Filium.

S 3

Haec est sacrati ianua
templi serata iugiter,
soli supremo Principi
pandens beata limina.

S 4

Olim promissus vatibus,
natus ante luciferum,
quem Gabriel annuntiat,
terris descendit Dominus.

S 5

Laetentur simul angeli,
omnes exultent populi :
excelsus venit humilis
salvare quod perierat.

S 6

Sit, Christe, rex piissime,
tibi Patrique gloria
cum Spiritu Paraclito
in sempiterna saecula.