Cum sederit Filius hominis
in sede maiestatis suae
et coeperit iudicare saeculum per ignem,
tunc assistent ante eum omnes chori angelorum,
et congregabuntur ante eum omnes gentes;
tunc dicet his qui a dextris eius erunt:
Venite benedicti Patris mei,
possidete praeparatum vobis
regnum a constitutione mundi.
Et ibunt impii in supplicium sempiternum,
iusti autem in vitam aeternam,
et regnabunt cum Deo in saecula.
