- O rex aeterne Domine

O rex æterne, Domine,
semper cum Patre Filius,
iuxta tuam imaginem
Adam plasmasti hominem.

S 2

Quem diabolus deceperat
hostis humani generis,
eius et formam corporis
sumpsisti tu de Virgine.

S 3

Ut nos Deo coniungeres
per carnis contubernium,
daturus in baptismate,
redemptor, indulgentiam.

S 4

Tu crucem propter hominem
suscipere dignatus es ;
dedisti tuum sanguine
nostrae salutis pretium.

S 5

Tu surrexisti, gloriam
a Patre sumens debitam ;
per te et nos resurgere
devota mente credimus.

S 6

Esto perenne mentibus
paschale, Iesu, gaudium
et nos renatos gratiae
tuis triumphis aggrega.

S 7

Iesu, tibi sit gloria,
qui morte victa praenites,
cum Patre et almo Spiritu,
in sempiterna saecula.