- Hymnus - Auctor salutis unice

Auctor salutis unice,
mundi redemptor inclite,
rex, Christe, nobis annue
crucis fecundæ gloriam.

S 2

Tu morte mortem diruens
vitamque vita largiens,
mortis ministrum subdolum
deviceras diabolum.

S 3

Piis amoris artibus
somno sepulcri traditus,
sedes recludis inferi
patresque dicis liberos.

S 4

Nunc in parentis dextera
sacrata fulgens victima,
audi, precamur, vivido
tuo redemptos sanguine.

S 5

Quo te diebus omnibus
puris sequentes moribus,
adversus omnes impetus
crucis feramus labarum.

S 6

Patri, tibi, Paraclito
sit aequa, Iesus, gloria
qui nos crucis victoria
concedis usque perfrui.