- Hymnus - Christe caelorum Domine

Christe, caelorum Domine,
mundi salvator maxime,
qui crucis omnes munere
mortis solvisti legibus.

S 2

Te nunc orantes poscimus,
tua conserves munera,
quæ sacra per mysteria,
cunctis donasti gentibus.

S 3

Tu agnus mitis, innocens,
oblatus terrae victima,
sanctorum vestes omnium
tuo lavasti sanguine.

S 4

Quos redemisti pretio
tui sacrati corporis,
caelo resurgens advehis
ubi te laudant perpetim.

S 5

Quorum nos addas numero,
te deprecamur, Domine,
qui Patri nos ex omnibus
fecisti regnum populis.