- En acetum fel arundo

En acetum, fel, arundo,
sputa, clavi, lancea;
mite corpus perforatur,
sanguis, unda profluit;
Terra, pontus , astra, mundus
quo lavantur flumine !

S 2

Crux fidelis, inter omnes
arbor una nobilis
nulla silva talem profert
fronde, flore, germine
dulce lignum, dulces clavos,
dulce pondus sustinet.

S 3

Flecte ramos, arbor alta,
tensa laxa viscera,
et rigor lentescat ille
quem dedit nativitas,
ut superni membra regis
miti tendas stipite.

S 4

Sola digna tu fuisti
ferre saecli pretium,
atque portum naufrago,
quem sacer crour perunxit
fusus agni corpore.

S 5

Aequa Patri Filioque,
inclito Paraclito,
sempiterna sit beatae
Trinitati gloria,
cuius alma nos redemit
atque servat gratia.