- Hymnus - Iesus refulsit omnium

Iesus refulsit omnium
pius redemptor gentium;
totum genus fidelium
laudis celebret canticum.

S 2

Denis ter aevi circulis
iam parte vivens corporis
lympham petit baptismatis
cunctis carens contagiis.

S 3

Felix Ioannes mergere
illum tremescit flumine,
potest suo qui sanguine
peccata mundi tergere.

S 4

Vox ergo Prolem de polis
testatur excelsi Patris,
fluitque virtus Spiritus
sancti datrix charismatis.

S 5

Nos, Christe, voce supplici
precamur, omnes protege,
ac mente fac nitescere
tibique mundos vivere.

S 6

O Christe, vita, veritas,
tibi sit omnis gloria,
quem Patris atque Spiritus
splendor revelat caelitus.