- Hostis Herodes impie

Hostis Herodes impie,
Christum venire quid times ?
Non eripit mortalia
qui regna dat caelestia.

S 2

Ibant magi, qua venerant
stellam sequentes praeviam,
lumen requirunt lumine,
Deum fatentur munere.

 

Lavacra puri gurgitis
caelestis Agnus attigit ;
peccata quae non detulit
nos abluendo sustulit.

S 4

Novum genus potentiae :
aquae rubescant hydriae,
vinumque iussa fundere
mutavit unda originem.

S 5

Iesu, tibi sit gloria,
qui te revelas gentibus,
cum Patre et almo Spiritu,
in sempiterna saecula.