- Dulce fit nobis memorare parvum

Dulce fit nobis memorare parvum
Nazarae tectum tenuemque cultum;
expedit Iesu tacitam referre
carmine vitam.

S 2

Arte qua Ioseph humili excolendus,
abdito Iesus iuvenescit aevo,
seque fabrilis socium laboris
adicit ultro.

S 3

Assidet nato pia mater almo,
assidet sponso bona nupta, felix
si potest cura relevare lassis
munere amico.

S 4

O neque expertes operae et laboris,
nec mali ignari, miseros iuvate ;
quotquot implorant columen, benigno
cernite vultu.

S 5

Sit tibi, Iesu, decus atque virtus,
sancta qui vitae documenta praebes,
quiqui cum summo genitore et almo
flamine regnans.