- Aeterne rex altissime

Aeterne rex altissime,
redemptor et fidelium,
quo mors soluta deperit,
datur triumphus gratiae.

S 2

Scandis tribunal dexterae
Patris tibique caelitus
fertur potestas omnium
quae non erat humanitus.

S 3

Ut trina rerum machina
caelestium, terrestrium
et inferiorum condita,
flectat genu iam subdita.

S 4

Tremunt videntes angeli
versam vicem mortalium :
culpat caro, purgat caro,
regnat caro verbum Dei.

S 5

Tu, Christe, nostrum gaudium,
manens perenne praemium,
mundi regis qui fabricam,
mundana vinces gaudia.

S 6

Hinc te precantes quaesumus,
ignosce culpis omnibus
et corda sursum subleva
ad te superna gratia.