- Hymnus - Chorus novae Ierusalem

Chorus novae Ierusalem
hymni novam dulcedinem
promat, colens cum sobriis
paschale festum gaudiis.

S 2

Quo Christus invictus leo,
dracone surgens obruto,
dum voce viva personat,
a morte functos excitat.

S 3

Quam devorarat improbus,
praedam refundit tartarus ;
captivitate libera
Iesum sequuntur agmina.

S 4

Triumphat ille splendide
ex dignus amplitudine,
soli polique patriam
unam facit rem publicam.

S 5

Ipsum canendo supplices
Regem precemur milites,
ut in suo clarissimo
nos ordinet palatio.

S 6

Esto perenne mentibus
paschale, Iesu, gaudium,
et nos renatos gratiae
tuis triumphis aggrega.

S 7

Iesu, tibi sit gloria,
qui morte victa praenites,
cum Patre et almo Spiritu,
in sempiterna saecula.