Matthew
Chapter-Verse
27-05
et proiectis argenteis in templo recessit et abiens laqueo
se suspendit
27-09
tunc impletum est quod dictum est per Hieremiam prophetam
dicentem et acceperunt triginta argenteos pretium adpretiati
quem adpretiaverunt a filiis Israhel
27-11
Iesus autem stetit ante praesidem et interrogavit eum
praeses dicens tu es rex Iudaeorum dicit ei Iesus tu dicis
27-23
dicunt omnes crucifigatur ait illis praeses quid enim mali
fecit at illi magis clamabant dicentes crucifigatur
27-24
videns autem Pilatus quia nihil proficeret sed magis
tumultus fieret accepta aqua lavit manus coram populo dicens
innocens ego sum a sanguine iusti huius vos videritis
27-37
et inposuerunt super caput eius causam ipsius scriptam hic
est Iesus rex Iudaeorum
27-45
a sexta autem hora tenebrae factae sunt super universam
terram usque ad horam nonam
27-46
et circa horam nonam clamavit Iesus voce magna dicens Heli
Heli lema sabacthani hoc est Deus meus Deus meus ut quid
dereliquisti me
27-50
Iesus autem iterum clamans voce magna emisit spiritum
27-51
et ecce velum templi scissum est in duas partes a summo
usque deorsum et terra mota est et petrae scissae sunt
27-52
et monumenta aperta sunt et multa corpora sanctorum qui
dormierant surrexerunt
27-54
centurio autem et qui cum eo erant custodientes Iesum viso
terraemotu et his quae fiebant timuerunt valde dicentes vere
Dei Filius erat iste
27-57
cum sero autem factum esset venit quidam homo dives ab
Arimathia nomine Ioseph qui et ipse discipulus erat Iesu
27-60
et posuit illud in monumento suo novo quod exciderat in
petra et advolvit saxum magnum ad ostium monumenti et abiit
27-61
erat autem ibi Maria Magdalene et altera Maria sedentes
contra sepulchrum
27-64
iube ergo custodiri sepulchrum usque in diem tertium ne
forte veniant discipuli eius et furentur eum et dicant plebi
surrexit a mortuis et erit novissimus error peior priore
27-65
ait illis Pilatus habetis custodiam ite custodite sicut
scitis
27-66
illi autem abeuntes munierunt sepulchrum signantes lapidem
cum custodibus
