L'évangile selon Saint Matthieu
Ch.-V.
06-03
te autem faciente elemosynam nesciat sinistra tua quid
faciat dextera tua
06-06
tu autem cum orabis intra in cubiculum tuum et cluso ostio
tuo ora Patrem tuum in abscondito et Pater tuus qui videt in
abscondito reddet tibi
06-09
sic ergo vos orabitis Pater noster qui in caelis es
sanctificetur nomen tuum
06-10
veniat regnum tuum fiat voluntas tua sicut in caelo et in
terra
06-11
panem nostrum supersubstantialem da nobis hodie
06-12
et dimitte nobis debita nostra sicut et nos dimisimus
debitoribus nostris
06-13
et ne inducas nos in temptationem sed libera nos a malo
06-16
cum autem ieiunatis nolite fieri sicut hypocritae tristes
demoliuntur enim facies suas ut pareant hominibus ieiunantes
amen dico vobis quia receperunt mercedem suam
06-20
thesaurizate autem vobis thesauros in caelo ubi neque erugo
neque tinea demolitur et ubi fures non effodiunt nec furantur
06-21
ubi enim est thesaurus tuus ibi est et cor tuum
06-25
ideo dico vobis ne solliciti sitis animae vestrae quid
manducetis neque corpori vestro quid induamini nonne anima plus
est quam esca et corpus plus est quam vestimentum
06-26
respicite volatilia caeli quoniam non serunt neque metunt
neque congregant in horrea et Pater vester caelestis pascit
illa nonne vos magis pluris estis illis
06-28
et de vestimento quid solliciti estis considerate lilia
agri quomodo crescunt non laborant nec nent
06-29
dico autem vobis quoniam nec Salomon in omni gloria sua
coopertus est sicut unum ex istis
06-31
nolite ergo solliciti esse dicentes quid manducabimus aut
quid bibemus aut quo operiemur
06-32
haec enim omnia gentes inquirunt scit enim Pater vester
quia his omnibus indigetis
06-33
quaerite autem primum regnum et iustitiam eius et omnia
haec adicientur vobis
