Matthew
Chapter-Verse
05-01
videns autem turbas ascendit in montem et cum sedisset
accesserunt ad eum discipuli eius
05-02
et aperiens os suum docebat eos dicens
05-03
beati pauperes spiritu quoniam ipsorum est regnum caelorum
05-04
beati mites quoniam ipsi possidebunt terram
05-05
beati qui lugent quoniam ipsi consolabuntur
05-06
beati qui esuriunt et sitiunt iustitiam quoniam ipsi
saturabuntur
05-08
beati mundo corde quoniam ipsi Deum videbunt
05-09
beati pacifici quoniam filii Dei vocabuntur
05-10
beati qui persecutionem patiuntur propter iustitiam quoniam
ipsorum est regnum caelorum
05-11
beati estis cum maledixerint vobis et persecuti vos fuerint
et dixerint omne malum adversum vos mentientes propter me
05-12
gaudete et exultate quoniam merces vestra copiosa est in
caelis sic enim persecuti sunt prophetas qui fuerunt ante vos
05-14
vos estis lux mundi non potest civitas abscondi supra
montem posita
05-20
dico enim vobis quia nisi abundaverit iustitia vestra plus
quam scribarum et Pharisaeorum non intrabitis in regnum
caelorum
05-21
audistis quia dictum est antiquis non occides qui autem
occiderit reus erit iudicio
05-23
si ergo offeres munus tuum ad altare et ibi recordatus
fueris quia frater tuus habet aliquid adversum te
05-24
relinque ibi munus tuum ante altare et vade prius
reconciliare fratri tuo et tunc veniens offers munus tuum
05-44
ego autem dico vobis diligite inimicos vestros benefacite
his qui oderunt vos et orate pro persequentibus et
calumniantibus vos
05-45
ut sitis filii Patris vestri qui in caelis est qui solem
suum oriri facit super bonos et malos et pluit super iustos et
iniustos
05-48
estote ergo vos perfecti sicut et Pater vester caelestis
perfectus est
