- Hymnus - Iam surgit hora tertia

Iam surgit hora tertia,
qua Christus ascendit crucem ;
nil insolens mens cogitet,
intendat affectum precis.

S 2

Qui corde Christum suscipit,
innoxium sensum gerit
votisque praestat sedulis
Sanctum mereri Spiritum.

S 3

Haec hora, quae finem dedit
diri veterno criminis ;
hinc iam beata tempora
coepere Christi gratia.

S 4

Iesu, tibi sit gloria,
qui morte victa praenites,
cum Patre et almo Spiritu,
in sempiterna saecula.