- Hymnus - Conditor alme siderum

Conditor alme siderum
aeterna lux credentium
Christe redemptor omnium
exaudi preces supplicum.

S 2

Qui condolens intéritu
mortis perire saeculum
salvasti mundum languidum
donans reis remedium.

S 3

Vergente mundi vespere,
uti sponsus de thalamo,
egressus honestissima
Virginis matris clausula.

S 4

Cuius forti potentiae
genu curvantur omnia ;
caelestia, terrestria
nutu fatentur subdita.

S 5

Te, Sancte, fide quaesumus,
venture iudex saeculi,
conserva nos in tempore
hostis a telo perfidi.

S 6

Sit, Christe, rex piissime,
tibi Patrique gloria
cum Spiritu Paraclito
in sempiterna saecula.