- Hymnus - Magnis prophetae vocibus

Magnis prophetae vocibus
venire Christum nuntiant,
laetae salutis praevia,
qua nos redemit gratia.

S 2

Hinc mane nostrum promicat
et corda laeta exaestuant,
cum vox fidelis personat
praenuntiatrix gloriae.

S 3

Adventus hic primus fuit,
punire quo non saeculum
venit, sed ulcus tergere,
salvando quod perierat.

S 4

At nos secundus premonet
adesse Christum ianuis,
sanctis coronas reddere
caelique regna pandere.

S 5

Aeterna lux promittitur
sidusque salvans promitur ;
iam nos iubar praefulgidum
ad ius vocat caelestium.

S 6

Te, Christe, solum quaerimus
videre, sicut es Deus,
ut perpes haec sit visio
perenne laudis canticum.