- Animam meam dilectam

Animam meam dilectam tradidi in manus iniquorum;
et facta est mihi hereditas mea sicut leo in silva.
Dedit contra me vocem adversarius dicens:
congregamini et properate ad devorandum illum.
Posuerunt me in desertum solitudinis,
et luxit super me omnis terra;
quia non est inventus qui me agnosceret
et faceret bene.

Vers.  1

Omnes inimici mei
adversum me cogitabant mala mihi,
verbum iniquum mandaverunt adversum me.

Vers.  2

Insurrexerunt in me absque misericordia
et non pepercerunt animae meae.