Ecce carissimi dies illa iudicii,
magna et terribilis, instat.
Praetereunt dies nostri,
et velociter advenit praeclarus adventus Domini.
Iam crebro sono nos hortatur, et dicit:
Priusquam ostium paradisi claudatur,
unusquisque vestrum cito properet,
ut introiens in aeternum, cum Domino regnet.
Praeparate vosmetipsos,
ut videatis immortalem Sponsum
et possideatis regnum caelorum.
