Matthew
Chapter-Verse
14-01
in illo tempore audiit Herodes tetrarcha famam Iesu
14-02
et ait pueris suis hic est Iohannes Baptista ipse surrexit
a mortuis et ideo virtutes inoperantur in eo
14-03
Herodes enim tenuit Iohannem et alligavit eum et posuit in
carcere propter Herodiadem uxorem fratris sui
14-06
die autem natalis Herodis saltavit filia Herodiadis in
medio et placuit Herodi
14-07
unde cum iuramento pollicitus est ei dare quodcumque
postulasset ab eo
14-08
at illa praemonita a matre sua da mihi inquit hic in disco
caput Iohannis Baptistae
14-09
et contristatus est rex propter iuramentum autem et eos qui
pariter recumbebant iussit dari
14-10
misitque et decollavit Iohannem in carcere
14-12
et accedentes discipuli eius tulerunt corpus et
sepelierunt illud et venientes nuntiaverunt Iesu
14-19
et cum iussisset turbam discumbere supra faenum acceptis
quinque panibus et duobus piscibus aspiciens in caelum
benedixit et fregit et dedit discipulis panes discipuli autem
turbis
14-21
manducantium autem fuit numerus quinque milia virorum
exceptis mulieribus et parvulis
14-26
et videntes eum supra mare ambulantem turbati sunt
dicentes quia fantasma est et prae timore clamaverunt
14-28
respondens autem Petrus dixit Domine si tu es iube me
venire ad te super aquas
14-29
at ipse ait veni et descendens Petrus de navicula
ambulabat super aquam ut veniret ad Iesum
14-30
videns vero ventum validum timuit et cum coepisset mergi
clamavit dicens Domine salvum me fac
14-31
et continuo Iesus extendens manum adprehendit eum et ait
illi modicae fidei quare dubitasti
