Leviticus
Chapter-Verse
23-04
hae sunt ergo feriae Domini sanctae quas celebrare debetis
temporibus suis
23-05
mense primo quartadecima die mensis ad vesperum phase
Domini est
23-06
et quintadecima die mensis huius sollemnitas azymorum
Domini est septem diebus azyma comedetis
23-09
locutusque est Dominus ad Mosen dicens
23-10
loquere filiis Israhel et dices ad eos cum ingressi
fueritis terram quam ego dabo vobis et messueritis segetem
feretis manipulos spicarum primitias messis vestrae ad
sacerdotem
23-24
loquere filiis Israhel mense septimo prima die mensis erit
vobis sabbatum memorabile clangentibus tubis et vocabitur
sanctum
23-41
celebrabitisque sollemnitatem eius septem diebus per annum
legitimum sempiternum erit in generationibus vestris mense
septimo festa celebrabitis
23-43
ut discant posteri vestri quod in tabernaculis habitare
fecerim filios Israhel cum educerem eos de terra Aegypti ego
Dominus Deus vester
