Livre des Psaumes
V.
02
in te Domine speravi non confundar in aeternum in iustitia
tua libera me
03
inclina ad me aurem tuam adcelera ut eruas me esto mihi in
Deum protectorem et in domum refugii ut salvum me facias
04
quoniam fortitudo mea et refugium meum es tu et propter
nomen tuum deduces me et enutries me
06
in manus tuas commendabo spiritum meum redemisti me Domine
Deus veritatis
07
odisti observantes vanitates supervacue ego autem in Domino
speravi
08
exultabo et laetabor in misericordia tua quoniam respexisti
humilitatem meam salvasti de necessitatibus animam meam
10
miserere mei Domine quoniam tribulor conturbatus est in
ira oculus meus anima mea et venter meus
15
ego autem in te speravi Domine dixi Deus meus es tu
16
in manibus tuis sortes meae eripe me de manu inimicorum
meorum et a persequentibus me
17
inlustra faciem tuam super servum tuum salvum me fac in
misericordia tua
18
Domine ne confundar quoniam invocavi te erubescant impii
et deducantur in infernum
20
quam magna multitudo dulcedinis tuae Domine quam
abscondisti timentibus te perfecisti eis qui sperant in te in
conspectu filiorum hominum
24
diligite Dominum omnes sancti eius quoniam veritates
requirit Dominus et retribuit abundanter facientibus superbiam
