- Biblische Texte - Exodus

Exodus

03-02

apparuitque ei Dominus in flamma ignis de medio rubi et videbat quod rubus arderet et non conbureretur

 

 

03-03

dixit ergo Moses vadam et videbo visionem hanc magnam quare non conburatur rubus

03-05

at ille ne adpropies inquit huc solve calciamentum de pedibus tuis locus enim in quo stas terra sancta est

03-05-10

at ille ne adpropies inquit huc solve calciamentum de pedibus tuis locus enim in quo stas terra sancta est

03-07

cui ait Dominus vidi adflictionem populi mei in Aegypto et clamorem eius audivi propter duritiam eorum qui praesunt operibus

03-09

clamor ergo filiorum Israhel venit ad me vidique adflictionem eorum qua ab Aegyptiis opprimuntur

03-10

sed veni mittam te ad Pharaonem ut educas populum meum filios Israhel de Aegypto

03-14

dixit Deus ad Mosen ego sum qui sum ait sic dices filiis Israhel qui est misit me ad vos

03-19

sed ego scio quod non dimittet vos rex Aegypti ut eatis nisi per manum validam

04-13

at ille obsecro inquit Domine mitte quem missurus es

 

 

04-19

dixit ergo Dominus ad Mosen in Madian vade revertere in Aegyptum mortui sunt omnes qui quaerebant animam tuam

05-01

post haec ingressi sunt Moses et Aaron et dixerunt Pharaoni haec dicit Dominus Deus Israhel dimitte populum meum ut sacrificet mihi in deserto

05-11

ite et colligite sicubi invenire potueritis nec minuetur quicquam de opere vestro

07-13

induratumque est cor Pharaonis et non audivit eos sicut praeceperat Dominus

07-14

dixit autem Dominus ad Mosen ingravatum est cor Pharaonis non vult dimittere populum

12-14

habebitis autem hanc diem in monumentum et celebrabitis eam sollemnem Domino in generationibus vestris cultu sempiterno

 

 

12-18

primo mense quartadecima die mensis ad vesperam comedetis azyma usque ad diem vicesimam primam eiusdem mensis ad vesperam

13-03

et ait Moses ad populum mementote diei huius in qua egressi estis de Aegypto et de domo servitutis quoniam in manu forti eduxit vos Dominus de loco isto ut non comedatis fermentatum panem

13-05

cumque te introduxerit Dominus in terram Chananei et Hetthei et Amorrei et Evei et Iebusei quam iuravit patribus tuis ut daret tibi terram fluentem lacte et melle celebrabis hunc morem sacrorum mense isto

 

 

 

 

13-09

et erit quasi signum in manu tua et quasi monumentum ante oculos tuos et ut lex Domini semper in ore tuo in manu enim forti eduxit te Dominus de Aegypto

 

 

13-19

tulit quoque Moses ossa Ioseph secum eo quod adiurasset filios Israhel dicens visitabit vos Deus efferte ossa mea hinc vobiscum

14-13

et ait Moses ad populum nolite timere state et videte magnalia Domini quae facturus est hodie Aegyptios enim quos nunc videtis nequaquam ultra videbitis usque in sempiternum

14-14

Dominus pugnabit pro vobis et vos tacebitis

15-01

tunc cecinit Moses et filii Israhel carmen hoc Domino et dixerunt cantemus Domino gloriose enim magnificatus est equum et ascensorem deiecit in mare

 

 

15-02

fortitudo mea et laus mea Dominus et factus est mihi in salutem iste Deus meus et glorificabo eum Deus patris mei et exaltabo eum

 

 

 

 

 

 

 

 

 

 

15-04

currus Pharaonis et exercitum eius proiecit in mare electi principes eius submersi sunt in mari Rubro

15-06

dextera tua Domine magnifice in fortitudine dextera tua Domine percussit inimicum

15-11

quis similis tui in fortibus Domine quis similis tui magnificus in sanctitate terribilis atque laudabilis et faciens mirabilia

 

 

15-18

Dominus regnabit in aeternum et ultra

15-21

quibus praecinebat dicens cantemus Domino gloriose enim magnificatus est equum et ascensorem eius deiecit in mare

16-06

dixeruntque Moses et Aaron ad omnes filios Israhel vespere scietis quod Dominus eduxerit vos de terra Aegypti

 

 

 

 

 

 

 

 

16-07

et mane videbitis gloriam Domini audivit enim murmur vestrum contra Dominum nos vero quid sumus quia mussitatis contra nos

 

 

 

 

 

 

18-08

narravit Moyses cognato suo cuncta quae fecerat Dominus Pharaoni et Aegyptiis propter Israel: universumque laborem, qui accidisset eis in itinere, et quod liberaverat eos Dominus.

19-10

qui dixit ei vade ad populum et sanctifica illos hodie et cras laventque vestimenta sua

19-11

et sint parati in diem tertium die enim tertio descendet Dominus coram omni plebe super montem Sinai

23-20

ecce ego mittam angelum meum qui praecedat te et custodiat in via et introducat ad locum quem paravi

 

 

 

 

23-21

observa eum et audi vocem eius nec contemnendum putes quia non dimittet cum peccaveritis et est nomen meum in illo

23-22

quod si audieris vocem eius et feceris omnia quae loquor inimicus ero inimicis tuis et adfligam adfligentes te

24-01

Mosi quoque dixit ascende ad Dominum tu et Aaron Nadab et Abiu et septuaginta senes ex Israhel et adorabitis procul

24-04

scripsit autem Moses universos sermones Domini et mane consurgens aedificavit altare ad radices montis et duodecim titulos per duodecim tribus Israhel

 

 

24-05

misitque iuvenes de filiis Israhel et obtulerunt holocausta immolaveruntque victimas pacificas Domino vitulos

24-12

dixit autem Dominus ad Mosen ascende ad me in montem et esto ibi daboque tibi tabulas lapideas et legem ac mandata quae scripsi ut doceas eos

24-16

et habitavit gloria Domini super Sinai tegens illum nube sex diebus septimo autem die vocavit eum de medio caliginis

24-18

ingressusque Moses medium nebulae ascendit in montem et fuit ibi quadraginta diebus et quadraginta noctibus

 

 

 

 

30-25

faciesque unctionis oleum sanctum, unguentum compositum opere unguentarii,

30-31

Filiis quoque Israel dices: Hoc oleum unctionis sanctum erit mihi in generationes vestras.

32-11

Moses autem orabat Dominum Deum suum dicens cur Domine irascitur furor tuus contra populum tuum quem eduxisti de terra Aegypti in fortitudine magna et in manu robusta

 

 

32-12

ne quaeso dicant Aegyptii callide eduxit eos ut interficeret in montibus et deleret e terra quiescat ira tua et esto placabilis super nequitia populi tui

 

 

 

 

32-13

recordare Abraham Isaac et Israhel servorum tuorum quibus iurasti per temet ipsum dicens multiplicabo semen vestrum sicut stellas caeli et universam terram hanc de qua locutus sum dabo semini vestro et possidebitis eam semper

32-14

placatusque est Dominus ne faceret malum quod locutus fuerat adversus populum suum

32-15

et reversus est Moses de monte portans duas tabulas testimonii manu scriptas ex utraque parte

33-13

si ergo inveni gratiam in conspectu tuo ostende mihi viam tuam ut sciam te et inveniam gratiam ante oculos tuos respice populum tuum gentem hanc

33-17

dixit autem Dominus ad Mosen et verbum istud quod locutus es faciam invenisti enim gratiam coram me et te ipsum novi ex nomine

33-20

rursumque ait non poteris videre faciem meam non enim videbit me homo et vivet

33-22

cumque transibit gloria mea ponam te in foramine petrae et protegam dextera mea donec transeam

33-23

tollamque manum meam et videbis posteriora mea faciem autem meam videre non poteris

34-06

quo transeunte coram eo ait Dominator Domine Deus misericors et clemens patiens et multae miserationis ac verus

34-07

qui custodis misericordiam in milia qui aufers iniquitatem et scelera atque peccata nullusque apud te per se innocens est qui reddis iniquitatem patrum in filiis ac nepotibus in tertiam et quartam progeniem

 

 

34-08

festinusque Moses curvatus est pronus in terram et adorans

34-29

cumque descenderet Moses de monte Sinai tenebat duas tabulas testimonii et ignorabat quod cornuta esset facies sua ex consortio sermonis Dei

34-30

videntes autem Aaron et filii Israhel cornutam Mosi faciem timuerunt prope accedere