- Biblische Texte - Ijob

Ijob

01-01

vir erat in terra Hus nomine Iob et erat vir ille simplex et rectus ac timens Deum et recedens a malo

01-21

et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictum

 

 

01-22

in omnibus his non peccavit Iob neque stultum quid contra Deum locutus est

 

 

02-07

egressus igitur Satan a facie Domini percussit Iob ulcere pessimo a planta pedis usque ad verticem eius

02-10

qui ait ad illam quasi una de stultis locuta es si bona suscepimus de manu Domini quare mala non suscipiamus in omnibus his non peccavit Iob labiis suis

02-11

igitur audientes tres amici Iob omne malum quod accidisset ei venerunt singuli de loco suo Eliphaz Themanites et Baldad Suites et Sophar Naamathites condixerant enim ut pariter venientes visitarent eum et consolarentur

02-13

et sederunt cum eo in terram septem diebus et septem noctibus et nemo loquebatur ei verbum videbant enim dolorem esse vehementem

03-01

post haec aperuit Iob os suum et maledixit diei suo

03-03

pereat dies in qua natus sum et nox in qua dictum est conceptus est homo

03-06

noctem illam tenebrosus turbo possideat non conputetur in diebus anni nec numeretur in mensibus

03-07

sit nox illa solitaria nec laude digna

03-24

antequam comedam suspiro et quasi inundantes aquae sic rugitus meus

03-25

quia timor quem timebam evenit mihi et quod verebar accidit

03-26

nonne dissimulavi nonne silui nonne quievi et venit super me indignatio

05-10

qui dat pluviam super faciem terrae et inrigat aquis universa

 

 

06-02

utinam adpenderentur peccata mea quibus iram merui et calamitas quam patior in statera

 

 

06-03

quasi harena maris haec gravior appareret unde et verba mea dolore sunt plena

 

 

06-08

quis det ut veniat petitio mea et quod expecto tribuat mihi Deus

06-11

quae est enim fortitudo mea ut sustineam aut quis finis meus ut patienter agam

 

 

06-25

quare detraxistis sermonibus veritatis cum e vobis nullus sit qui possit arguere

06-26

ad increpandum tantum eloquia concinnatis et in ventum verba profertis

06-27

super pupillum inruitis et subvertere nitimini amicum vestrum

06-28

verumtamen quod coepistis explete praebete aurem et videte an mentiar

07-01

militia est vita hominis super terram et sicut dies mercennarii dies eius

07-05

induta est caro mea putredine et sordibus pulveris cutis mea aruit et contracta est

 

 

07-07

memento quia ventus est vita mea et non revertetur oculus meus ut videat bona

 

 

 

 

 

 

07-08

nec aspiciet me visus hominis oculi tui in me et non subsistam

07-16

desperavi nequaquam ultra iam vivam parce mihi nihil enim sunt dies mei

07-20

peccavi quid faciam tibi o custos hominum quare posuisti me contrarium tibi et factus sum mihimet ipsi gravis

 

 

07-21

cur non tolles peccatum meum et quare non auferes iniquitatem meam ecce nunc in pulvere dormiam et si mane me quaesieris non subsistam

08-03

numquid Deus subplantat iudicium et Omnipotens subvertit quod iustum est

10-05

numquid sicut dies hominis dies tui et anni tui sicut humana sunt tempora

10-06

ut quaeras iniquitatem meam et peccatum meum scruteris

10-08

manus tuae plasmaverunt me et fecerunt me totum in circuitu et sic repente praecipitas me

10-09

memento quaeso quod sicut lutum feceris me et in pulverem reduces me

10-10

nonne sicut lac mulsisti me et sicut caseum me coagulasti

10-11

pelle et carnibus vestisti me et ossibus et nervis conpegisti me

10-12

vitam et misericordiam tribuisti mihi et visitatio tua custodivit spiritum meum

10-20

numquid non paucitas dierum meorum finietur brevi dimitte ergo me ut plangam paululum dolorem meum

 

 

10-21

antequam vadam et non revertar ad terram tenebrosam et opertam mortis caligine

13-20

duo tantum ne facias mihi et tunc a facie tua non abscondar

13-21

manum tuam longe fac a me et formido tua non me terreat

13-22

et voca me et respondebo tibi aut certe loquar et tu responde mihi

13-23

quantas habeo iniquitates et peccata scelera mea et delicta ostende mihi

13-24

cur faciem tuam abscondis et arbitraris me inimicum tuum

14-01

homo natus de muliere brevi vivens tempore repletus multis miseriis

14-13

quis mihi hoc tribuat ut in inferno protegas me ut abscondas me donec pertranseat furor tuus et constituas mihi tempus in quo recorderis mei

16-12

conclusit me Deus apud iniquum et manibus impiorum me tradidit

16-18

haec passus sum absque iniquitate manus meae cum haberem mundas ad Deum preces

16-19

terra ne operias sanguinem meum neque inveniat locum in te latendi clamor meus

16-20

ecce enim in caelo testis meus et conscius meus in excelsis

16-21

verbosi mei amici mei ad Deum stillat oculus meus

17-03

libera me et pone iuxta te et cuiusvis manus pugnet contra me

 

 

19-13

fratres meos longe fecit a me et noti mei quasi alieni recesserunt a me

 

 

19-14

dereliquerunt me propinqui mei et qui me noverant obliti sunt mei

19-20

pelli meae consumptis carnibus adhesit os meum et derelicta sunt tantummodo labia circa dentes meos

19-25

scio enim quod redemptor meus vivat et in novissimo de terra surrecturus sim

 

 

19-26

et rursum circumdabor pelle mea et in carne mea videbo Deum

 

 

20-27

revelabunt caeli iniquitatem eius et terra consurget adversus eum

20-28

apertum erit germen domus illius detrahetur in die furoris Dei

21-14

qui dixerunt Deo recede a nobis et scientiam viarum tuarum nolumus

23-06

nolo multa fortitudine contendat mecum nec magnitudinis suae mole me premat

 

 

23-07

proponat aequitatem contra me et perveniat ad victoriam iudicium meum

 

 

23-10

ipse vero scit viam meam et probavit me quasi aurum quod per ignem transit

23-11

vestigia eius secutus est pes meus viam eius custodivi et non declinavi ex ea

30-17

nocte os meum perforatur doloribus et qui me comedunt non dormiunt

30-18

in multitudine eorum consumitur vestimentum meum et quasi capitio tunicae sic cinxerunt me

30-19

conparatus sum luto et adsimilatus favillae et cineri

30-23

scio quia morti tradas me ubi constituta domus est omni viventi

30-24

verumtamen non ad consumptionem eorum emittis manum tuam et si corruerint ipse salvabis

30-31

versa est in luctum cithara mea et organum meum in vocem flentium

 

 

 

 

31-04

nonne ipse considerat vias meas et cunctos gressus meos dinumerat

31-05

si ambulavi in vanitate et festinavit in dolo pes meus

31-06

adpendat me in statera iusta et sciat Deus simplicitatem meam

31-33

si abscondi quasi homo peccatum meum et celavi in sinu meo iniquitatem meam

31-35

quis mihi tribuat auditorem ut desiderium meum Omnipotens audiat et librum scribat ipse qui iudicat

39-35

unum locutus sum quod utinam non dixissem et alterum quibus ultra non addam

42-02

scio quia omnia potes et nulla te latet cogitatio

42-05

auditu auris audivi te nunc autem oculus meus videt te

42-06

idcirco ipse me reprehendo et ago paenitentiam in favilla et cinere