Tobias
Chapter-Verse
03-02
dicens iustus es Domine et omnia iudicia tua iusta sunt et
omnes viae tuae misericordia et veritas et iudicium
03-03
et nunc Domine memor esto mei ne vindictam sumas de peccatis
meis neque reminiscaris delicta mea vel parentum meorum
03-15
peto Domine ut de vinculo inproperii huius absolvas me aut
certe desuper terra eripias me
03-22
non enim delectaris in perditionibus nostris quia post
tempestatem tranquillum facis et post lacrimationem et fletum
exultationem infundis
04-12
fiducia magna erit coram summo Deo elemosyna omnibus qui
faciunt eam
04-20
omni tempore benedic Deum et pete ab eo ut vias tuas
dirigat et omnia consilia tua in ipso permaneant
04-23
noli timere fili mi pauperem quidem vitam gerimus sed multa
bona habemus si timuerimus Deum et recesserimus ab omni peccato
et fecerimus bene
05-11
ingressus itaque salutavit eum et dixit gaudium tibi semper
sit
05-12
et Tobias ait quale mihi gaudium erit qui in tenebris sedeo
et lumen caeli non video
05-13
cui ait iuvenis forti animo esto in proximo est ut a Deo
cureris
05-23
cumque profecti essent coepit flere mater eius et dicere
baculum senectutis nostrae tulisti et transmisisti a nobis
05-24
numquam esset ipsa pecunia pro qua misisti eum
05-25
sufficiebat enim nobis paupertas nostra ut divitias
conputaremus hoc quod videbamus filium nostrum
07-15
et adprehendens dexteram filiae suae dexterae Tobiae
tradidit dicens Deus Abraham et Deus Isaac et Deus Iacob sit
vobiscum et ipse coniungat vos impleatque benedictionem suam in
vobis
08-07
dixitque Tobias Domine Deus patrum nostrorum benedicant te
caeli et terra et mare fontes et flumina et omnis creatura tua
quae in eis sunt
08-08
tu fecisti Adam de limo terrae dedistique ei adiutorium Evam
08-19
misertus es autem duobus unicis fac eos Domine in plenius
benedicere te et sacrificium tibi laudis tuae et suae sanitatis
offerre ut cognoscat universitas gentium quia tu es Deus solus
in universa terra
10-04
flebat igitur mater eius inremediabilibus lacrimis atque dicebat heu heu me fili mi ut quid te misimus peregrinari lumen oculorum nostrorum baculum senectutis nostrae solacium vitae nostrae spem posteritatis nostrae
12-06
tunc dixit eis occulte benedicite Deum caeli et coram
omnibus viventibus confitemini illi quoniam fecit vobiscum
misericordiam suam
12-20
tempus est ergo ut revertar ad eum qui me misit vos autem
benedicite Deum et narrate omnia mirabilia eius
13-01
aperiens autem Tobias senior os suum benedixit Dominum et
dixit magnus es Domine in aeternum et in omnia saecula regnum
tuum
13-02
quoniam tu flagellas et salvas deducis ad infernum et
reducis et non est qui effugiat manum tuam
13-10
benedicite Dominum omnes electi eius agite dies laetitiae
et confitemini illi
13-13
luce splendida fulgebis et omnes fines terrae adorabunt te
13-14
nationes ex longinquo ad te venient et munera deferentes
adorabunt Dominum in te et terram tuam in sanctificatione
habebunt
13-21
portae Hierusalem ex sapphyro et zmaragdo aedificabuntur
et ex lapide pretioso omnis circuitus murorum eius
13-22
ex lapide candido et mundo omnes plateae eius sternentur
et per vicos eius alleluia cantabitur
14-03
quinquaginta namque et sex annorum oculorum lumen amisit sexagenarius vero recepit
14-04
reliquum vero vitae suae in gaudio fuit et cum bono profectu timoris Dei perrexit in pace
14-05
in hora autem mortis suae vocavit ad se Tobiam filium suum et septem iuvenes filios eius nepotes suos dixitque eis
14-06
prope erit interitus Nineven non enim excidit verbum Dei et fratres nostri qui dispersi sunt a terra Israhel revertentur ad eam
