Cum venerimus ante conspectum Domini
in die iudicii,
ubi assistunt milia millium
et decies centena milia angelorum,
archangelorum, cherubim et seraphim,
ibi sanctorum chori circumastant,
patriarcharum, prophetarum, apostolorum et martyrum,
et omnia agmina sanctorum,
ibi manifestabuntur abscondita cordium nostrorum;
sed tu Deus, piissime Pater,
transfer a nobis illud damnationis iudicium,
quo sine fine punientur opera delinquentium,
et concede cum electis tuis possidere aeternitatis regnum.
