Le Deuteronome
Ch.-V.
32-01
audite caeli quae loquor audiat terra verba oris mei
32-02
concrescat in pluvia doctrina mea fluat ut ros eloquium
meum quasi imber super herbam et quasi stillae super gramina
32-03
quia nomen Domini invocabo date magnificentiam Deo nostro
32-04
Dei perfecta sunt opera et omnes viae eius iudicia Deus
fidelis et absque ulla iniquitate iustus et rectus
32-34
nonne haec condita sunt apud me et signata in thesauris
meis
32-36
iudicabit Dominus populum suum et in servis suis
miserebitur videbit quod infirmata sit manus et clausi quoque
defecerint residuique consumpti sint
32-39
videte quod ego sim solus et non sit alius deus praeter me
ego occidam et ego vivere faciam percutiam et ego sanabo et non
est qui de manu mea possit eruere
32-40
levabo ad caelum manum meam et dicam vivo ego in aeternum
