Micha
Kapitel-Vers
04-09
nunc quare maerore contraheris numquid rex non est tibi aut
consiliarius tuus periit quia conprehendit te dolor sicut
parturientem
05-02
et tu Bethleem Ephrata parvulus es in milibus Iuda ex te
mihi egredietur qui sit dominator in Israhel et egressus eius
ab initio a diebus aeternitatis
06-03
populus meus quid feci tibi et quid molestus fui tibi
responde mihi
06-04
quia eduxi te de terra Aegypti et de domo servientium
liberavi te et misi ante faciem tuam Mosen et Aaron et Mariam
06-08
indicabo tibi o homo quid sit bonum et quid Dominus quaerat
a te utique facere iudicium et diligere misericordiam et
sollicitum ambulare cum Deo tuo
06-12
in quibus divites eius repleti sunt iniquitate et
habitantes in ea loquebantur mendacium et lingua eorum
fraudulenta in ore eorum
07-02
periit sanctus de terra et rectus in hominibus non est omnes
in sanguine insidiantur vir fratrem suum venatur ad mortem
07-07
ego autem ad Dominum aspiciam expectabo Deum salvatorem meum
audiet me Deus meus
