Les Proverbes
Ch.-V.
01-08
audi fili mi disciplinam patris tui et ne dimittas legem
matris tuae
01-09
ut addatur gratia capiti tuo et torques collo tuo
01-20
sapientia foris praedicat in plateis dat vocem suam
01-21
in capite turbarum clamitat in foribus portarum urbis
profert verba sua dicens
01-22
usquequo parvuli diligitis infantiam et stulti ea quae sibi
sunt noxia cupiunt et inprudentes odibunt scientiam
01-32
aversio parvulorum interficiet eos et prosperitas stultorum
perdet illos
01-33
qui autem me audierit absque terrore requiescet et
abundantia perfruetur malorum timore sublato
02-19
omnes qui ingrediuntur ad eam non revertentur nec
adprehendent semitas vitae
03-02
longitudinem enim dierum et annos vitae et pacem adponent
tibi
03-03
misericordia et veritas non te deserant circumda eas gutturi
tuo et describe in tabulis cordis tui
03-05
habe fiduciam in Domino ex toto corde tuo et ne innitaris
prudentiae tuae
03-06
in omnibus viis tuis cogita illum et ipse diriget gressus
tuos
03-09
honora Dominum de tua substantia et de primitiis omnium
frugum tuarum
03-10
et implebuntur horrea tua saturitate et vino torcularia
redundabunt
03-11
disciplinam Domini fili mi ne abicias nec deficias cum ab
eo corriperis
03-20
sapientia illius eruperunt abyssi et nubes rore concrescunt
03-26
Dominus enim erit in latere tuo et custodiet pedem tuum ne
capiaris
04-10
audi fili mi et suscipe verba mea ut multiplicentur tibi
anni vitae
04-11
viam sapientiae monstravi tibi duxi te per semitas
aequitatis
05-01
fili mi adtende sapientiam meam et prudentiae meae inclina aurem tuam
06-20
conserva fili mi praecepta patris tui et ne dimittas legem
matris tuae
06-21
liga ea in corde tuo iugiter et circumda gutturi tuo
07-04
dic sapientiae soror mea es et prudentiam voca amicam tuam
08-04
o viri ad vos clamito et vox mea ad filios hominum
08-17
ego diligentes me diligo et qui mane vigilant ad me
invenient me
08-18
mecum sunt divitiae et gloria opes superbae et iustitia
08-19
melior est fructus meus auro et pretioso lapide et genimina
mea argento electo
08-22
Dominus possedit me initium viarum suarum antequam quicquam
faceret a principio
08-23
ab aeterno ordita sum et ex antiquis antequam terra fieret
08-24
necdum erant abyssi et ego iam concepta eram necdum fontes
aquarum eruperant
08-25
necdum montes gravi mole constiterant ante colles ego
parturiebar
08-26
adhuc terram non fecerat et flumina et cardines orbis
terrae
08-27
quando praeparabat caelos aderam quando certa lege et gyro
vallabat abyssos
08-30
cum eo eram cuncta conponens et delectabar per singulos
dies ludens coram eo omni tempore
09-01
sapientia aedificavit sibi domum excidit columnas septem
09-05
venite comedite panem meum et bibite vinum quod miscui vobis
22-01
melius est nomen bonum quam divitiae multae super argentum
et aurum gratia bona
23-24
exultat gaudio pater iusti qui sapientem genuit laetabitur
in eo
23-26
praebe fili mi cor tuum mihi et oculi tui vias meas
custodiant
25-16
mel invenisti comede quod sufficit tibi ne forte saturatus evomas illud
30-08
vanitatem et verba mendacia longe fac a me mendicitatem et
divitias ne dederis mihi tribue tantum victui meo necessaria
30-09
ne forte saturatus inliciar ad negandum et dicam quis est
Dominus et egestate conpulsus furer et peierem nomen Dei mei
31-29
res multae filiae congregaverunt divitias tu supergressa es universas
31-30
sin fallax gratia et vana est pulchritudo mulier timens Dominum ipsa laudabitur
