- Tibi Redemptor omnium

Tibi Redemptor omnium,
hymnum deflentes canimus ;
ignosce nobis, Domine,
ignosce confitentibus.

S 2

Qui vires hostis veteris
per crucem mortis conteris,
qua nos vexillum fidei,
fronte signati, ferimus.

S 3

Illum a nobis iugiter
repellere dignaveris,
ne possit umquam laedere
redemptos tuo sanguine.

S 4

Qui propter nos ad inferos
descendere dignatus es,
ut mortis debitoribus
vitae donares munera.

S 5

Tu es qui certo tempore
daturus finem saeculo,
iustus cunctorum merita
remunerator statues.

S 6

Te ergo, Christe, quaesumus,
ut nostra cures vulnera,
qui es cum Patre et Spiritu
laudandus in perpetuum.