- Radix Iesse iam floruit

Radix Iesse iam floruit
et virga fructum edidit;
fecunda partum protulit
et virgo mater permanet.

S 2

Praesepe poni pertulit
qui lucis auctor exstitit;
cum Patre caelos condidit,
sub matre pannos induit.

S 3

Legem dedit qui saeculo
cuius decem praecepta sunt,
dignando factus est homo
sub legis esse vinculo.

S 4

Iam lux salusque nascitur,
nox diffugit, mors vincitur ;
venite, gentes, credite :
Deum Maria protulit.

S 5

Iesu, tibi sit gloria,
qui natus es de Virgine,
cum Patre et almo Spiritu,
in sempiterna saecula.