- Hymnus - Verbum supernum prodiens a Patre lumen exiens

Verbum supernum prodiens,
a Patre lumen exiens,
qui natus orbi subvenis
cursu declivi temporis.

S 2

Illumina nunc pectora
tuoque amore concrema;
audita per praeconia
sint pulsa tandem lubrica.

S 3

Iudexque cum post aderis
rimari facta pectoris,
reddens vicem pro abditis,
iustisque regnum pro bonis.

S 4

Non demum artemur malis
pro qualitate criminis,
sed cum beatis compotes
simus perennes caelites.

S 5

Sit, Christe, rex piissime,
tibi Patrique gloria
cum Spiritu Paraclito
in sempiterna saecula.