- Urbs Ierusalem beata

Urbs Ierusalem beata
dicta pacis visio
quae construitur in caelis
vivis ex lapidibus angelisque
coronata sicut sponsa comite.

S 2

Nova veniens e caelo,
nuptiali thalamo
praeparata ut intacta
copuletur Domino.
Plateae et muri eius ex auro purissimo.

S 3

Portae nitent margaritis adytis patentibus
et virtute meritorum illuc introducitur
omnis qui ob Christi nomen hic in mundo premitur.

S 4

Tunsionibus pressuris
expoliti lapides suis coaptantur locis
per manum artificis
disponuntur permansuri sacris aedificiis.

S 5

Gloria et honor Deo usquequo altissimo
una patri filioque atque sancto flamini
quibus laudes et potestas per aeterna saecula.