- Biblische Texte - Klagelieder Jeremias

Klagelieder Jeremias

01-01

ALEPH quomodo sedit sola civitas plena populo facta est quasi vidua domina gentium princeps provinciarum facta est sub tributo

 

 

01-02

BETH plorans ploravit in nocte et lacrimae eius in maxillis eius non est qui consoletur eam ex omnibus caris eius omnes amici eius spreverunt eam et facti sunt ei inimici

 

 

 

 

01-09

TETH sordes eius in pedibus eius nec recordata est finis sui deposita est vehementer non habens consolatorem vide Domine adflictionem meam quoniam erectus est inimicus

 

 

 

 

01-12

LAMED o vos omnes qui transitis per viam adtendite et videte si est dolor sicut dolor meus quoniam vindemiavit me ut locutus est Dominus in die irae furoris sui

 

 

 

 

 

 

 

 

 

 

 

 

01-14

NUN vigilavit iugum iniquitatum mearum in manu eius convolutae sunt et inpositae collo meo infirmata est virtus mea dedit me Dominus in manu de qua non potero surgere

01-16

AIN idcirco ego plorans et oculus meus deducens aquam quia longe factus est a me consolator convertens animam meam facti sunt filii mei perditi quoniam invaluit inimicus

01-18

SADE iustus est Dominus quia os eius ad iracundiam provocavi audite obsecro universi populi et videte dolorem meum virgines meae et iuvenes mei abierunt in captivitatem

 

 

01-20

RES vide Domine quoniam tribulor venter meus conturbatus est subversum est cor meum in memet ipsa quoniam amaritudine plena sum foris interfecit gladius et domi mors similis est

 

 

01-21

SEN audierunt quia ingemesco ego et non est qui consoletur me omnes inimici mei audierunt malum meum laetati sunt quoniam tu fecisti adduxisti diem consolationis et fient similes mei

02-03

GIMEL confregit in ira furoris omne cornu Israhel avertit retrorsum dexteram suam a facie inimici et succendit in Iacob quasi ignem flammae devorantis in gyro

02-11

CAPH defecerunt prae lacrimis oculi mei conturbata sunt viscera mea effusum est in terra iecur meum super contritione filiae populi mei cum deficeret parvulus et lactans in plateis oppidi

02-18

SADE clamavit cor eorum ad Dominum super muros filiae Sion deduc quasi torrentem lacrimas per diem et per noctem non des requiem tibi neque taceat pupilla oculi tui

03-09

GIMEL conclusit vias meas lapidibus quadris semitas meas subvertit

03-10

DELETH ursus insidians factus est mihi leo in absconditis

03-15

HE replevit me amaritudinibus inebriavit me absinthio

 

 

03-20

ZAI memoria memor ero et tabescet in me anima mea

03-53

SADE lapsa est in lacu vita mea et posuerunt lapidem super me

03-54

SADE inundaverunt aquae super caput meum dixi perii

 

 

03-55

COPH invocavi nomen tuum Domine de lacis novissimis

 

 

 

 

03-56

COPH vocem meam audisti ne avertas aurem tuam a singultu meo et clamoribus

 

 

03-57

COPH adpropinquasti in die quando invocavi te dixisti ne timeas

03-58

RES iudicasti Domine causam animae meae redemptor vitae meae

 

 

03-59

RES vidisti Domine iniquitatem adversum me iudica iudicium meum

 

 

03-60

RES vidisti omnem furorem universas cogitationes eorum adversum me

03-62

SEN labia insurgentium mihi et meditationes eorum adversum me tota die